موقع الأسر المنتجة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أشهر الطبخات السعودية الشعبية

اذهب الى الأسفل

أشهر الطبخات السعودية الشعبية  Empty أشهر الطبخات السعودية الشعبية

مُساهمة من طرف منار الثلاثاء مارس 12, 2013 7:06 pm

[center][b]
الفتيــــــــــــــــــت ( طبخه سعوديه حساويه )




المقادير :
كوبة ونص طحين رقم 2
كوب ونص سكر أو أقل (حسب الرغبه )
ملعقة أكل ماء ورد
ملعقتين أكل هيل
رشة زعفران
ماء للعجن
نص كوب دهن
مكسرات حسب الرغبه
ملاحظه :
لاتكون العجينه لينه ولا خشنه لازم تكون مثل عجينة القيمات .
اذا صارت العجينه لينه عادي تنزاد طحين .
الطريقه :
1- نخلط كل المقادير عدا الدهن
2- نسخن الدهن تسخين جيدفي طنجره واسعه وكبيره شوي حتى ينتفر زين
3- نصب الخليط في الدهن
4- نحركه بالملعقه على طول لين ينتفر
5- أحطه في صحن التقديم وأقدمه لكم بالهنا والعافيه

2-السليق ( طبخه سعوديه نجديه )


المقادير
دجاجه مقطعة نصفين
كاسين رز مصري
2 بصل
ليتر حليب ( ما يعادل اربع كؤوس )
4حب هيل، مكعب ماجي , عود الدارسين
2 ملعقة كبيرة عصير الليمون
ملعقة كبيرة كركم
ملعقة كبيرة فلفل احمر بودر
ملح على حسب الرغبة
مــــاء
مقادير الصلصة :
4 حبات طماطم
كوب كزبره
2 - 3 فلفل احضر حار



الطريقة:

1ـ أغسلي الأرز عدة مرات وانقعية في ماء وصفيه
2ـ ضعي الدجاجة في قدر واسع واغمريها بالماء اضيفي البصل والهيل والملح والقرفة ودعي الماء يغلي ثم اتركي الدجاجة على نار هادئة 30-40 دقيقة إلى أن تنضج
اذا نضج الدجاج ارفعيه من المرق وصفيه ثم ضعي الرز في المرق واتركيه لمدة ساعة إلى أن يجف ويتشرب الأرز كل المرق
ثم ندهن الدجاجه بعصير الليمون و الكركم والفلفل الاحمر ثم ندخلها الفرن للتحمير وغطيه بالغطاء على القصدير . الى أن تصبح ذهبية اللون
اضيفي الحليب الساخن على مراحل على الرز مع التقليب عدة مرات إلى أن يصبح قوامه ليناً .
نسكب السليق في صينية التقديم ويقدم مع صلصة الفلفل الحارة بعد خلط مكوناتها في الخلاط الكهربائي

امجربه ماكتلها الرز ماعجبني >>> اقول بس انتي ناويه تنزلين الطخات التراثيه بلاك تبدي رايك هع
الدجاجه حقتها مره حلوه مع الصلصه لذيذه ترى

المثلوثه ( طبخه سعوديه نجديه )




المثلوثه

هيه عبارة عن باديه مكونه من ثلاث طبقات
طبقة جريش
وطبقه خبز مسح تشريب
وطبقة أرز
راح نشرح كل طبقه كيف راح نسويها


(مقادير الجريش):
كأسين حب جريش

2ونص لتر لبن مطلعينه من الليل برة عشان ترتفع الحموضه فيه

ماجي قليل الملح

ملعقة صغيرة كمون

2 بصل مفروم ناعم

مقادير التشريب لخبز المسح

بطاطس مكعبات

جزر مكعبات

كوسا

كيش خضار مشكله

طماطم مطعبات

بصل مفروم

ليمون اسود كور

ماجي

صلصله

فلفل اسود

خبز مسح

دهن بقر مذوب

صلصه

دجاجه مقطعه نصين

(الطريقه) :

أول شئ نعمل الجريش

نجيب القدر ونحط شويه زيت وبعدين البصل ونحمسه على نار خفيفه
لأنه مانبغى البصل يتغير لونه
بس يلين ونضيف الماجي والكمون بعدين نضيف اللبن ونظل نحرك

عشان ما يفصل اللبن معانا ونظل نحرك حتى

يصل لمرحلة الغليان نضيف الجريش المغسول ونظلنا نحرك حتى يثقل المزيج

يعني تصيرين تشوفين حبات الجريش

تبان من فوق هنا خففي النار مرة هادئه وحطي قطعة حديده تحت القدر وغطيها بالقصدير
وأتركيه يطبخ لمده 3 الى اربع ساعات
وبعد مرور الوقت فكي الغطاء والقصدير وأظربي الجريش بمضرب خشب وخليه على جنب

الحين نعمل المرق حق التشريب
احمسي البصل مع الماجي والبهارات الي عندك تستخدمينها
للمرق وبعدين أضيفي الدجاج والماء وأتركيه يغلي
الي ان تستوي الدجاجه

بعدين أرفعي الدجاجه وحطيه على جنب الحين

المرق الي صار عندنا نقسمه نصين
كل واحد بقدر
قدر راح نضيف له الخضرة الي عندنا المقطع هوالصلصه والطماط ونخليه يطبخ الي ان تستوي الخضرة
والقدر الثاني نضيف له الارز ونسوي الارز مجبوس فيه
نراعي طبعا كميه الماء لأننا راح نظيف زياده ماء ونضيف شوية ملح
بعد ما يستوي المرق
نجيب الخبز المسح ونحطه بقدر كبير عشان نقدر نقلبه ونحط له المرق فوقه بدون الخضرة
ونخليه فترة عشان يتشرب المرق الي قيه
الحين نسوي حشو بصل عادي ومكسرات محموسه
نأخذ نص من الحشو ونضيفه للخبز المسح
نحمر الدجاجه بالفرن بعد مانمسحها بخليط مكون من زيت وشويه كركم وفلفل اسود وملح وصلصه

الحين جينا لطريقة التقديم

1-أول شئ نحط طبقة الجريش

2-ثاني شئ نحط الخبز الي رشيناه بالمرق وشويه من حشوا
البصل ونحط الخضرة الي كانت بالقدر

3-بعدها نحط الرز

4-وبعدين فوقه نصف ا لدجاج ونحط الحشو البصل والمكسرات ونزينه
ونرش فوقه سمن بلدي

المطازيز ( طبخه سعوديه قصميه )




المطازيز أكلة شعبية سعودية تشتهر بها منطقة نجد[1]، يسمى في بعض المناطق بالقبابيط فيحضر من دقيق البر بوضعه في اناء وإضافة الملح والماء اليه وعجنه إلى ان يصبح الخليط عجينة متماسكة وناعمة ثم يغطى بقطعة قماش رطبة وتترك العجينة لترتاح، وفيها يتم طبخ اللحم والخضراوات أو الفقع (الكمأة) حتى تنضج، ثم تقطع العجينة إلى قطع صغيرة بحجم البيضة وتفرد بواسطة اليد لتصبح دائرية، وترمى في القدر المملوء بخليط من الخضراوات واللحم أو الفقع مع مراعاة الا يكون المرق كثيرا، ثم تقدم والبعض يفضل أن يكون مع المطازيز مرق والمسمى (بلول) والبعض يفضل الطبق ناشفاً.

>>> يقولون انه فيه جاهز هذا الي زي الخبز انا اقول الي يبي يسويه يشتري اريح له >>> تفكير سوداني هع

العصيده





المقادير :


2كوب دبس
2كوب طحين مثل مال القيمات
الماي ماله مقدار حسب الحاجه
بس في الاول رح تخدي كوبين ماء مغلي
بعدين كوبين احتياط يكون مغلي
نصف زبده
وللوجه:
حسب الرغبه فلفل اسود او درسين او اي شي وزبده

الطريقه :


1- نحمص الطحين خفيف مو وايد خمس دقايق
او لمن تطلع له ريحه شوي ما نخليه يغمق ابد
2- نتركه على جنب يبرد تماما



3- نظيف كوبين ماء مغلي او دافي الي يصير
على كوبين الدبس ونحركهم على النار لمن
يطفو على الويه رغوه ونتخلص منها بقد ما نقدر ونشيلها



4- بعد ان برد الطحين نظيفه على الدمس والماء
ولحظه حركيع بمضرب سلك افضل حتى ما يكتل لج
العجين وحركيع مني لين يختفي الطحين في الماء والدبس


5- لمن نتاكد من انه انخلط تمام نستعمل الملعقه الخشب
ونبدي نحرك فيها على نار متوسطه



6- رح تبدي بتكتل وتصير كتل فيها
مثل الي بصوره ونظل نحرك فيها
7- رح نلاحظه انها كل ما حركنا رح تخشن
8- نظيف كوب ماء مغلي عليها ونحرك وعلى حسب السمك الي انتي تبينه
لحظي في اول اخدتي كوبين ماء ضفتيهم الي الدبس صح
ودي الكوب الثالث من الكوبين الاحتياط


9- في الاخير نظيف لها الزبده
10- ونتركها خمس دقايق على النار مغطيه


11- توزعيها بصحون وتمسحي ويها بزبده
واي شي تفضليه


بالصحة والراحة


الموضوع منقول من شبكة حياة النسائية:
منار
منار
* مـشـرفـة *
* مـشـرفـة *

المساهمات : 60
تاريخ التسجيل : 11/03/2013

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى